Uchrashuvga chiqishdagi qoidalar

Birinchi uchrashuvga chiqish ham hayajonli, ham havotirli bo‘lishi tabiiy. Hayajonli bo‘lishining sababi – siz kimnidir o‘rganish uchun ketyapsiz, hammasi yaxshi bo‘lsa, sizning hayotingizga yangi bir inson kirib keladi. Havotirli tomoni esa uchrashuv qanday o‘tishi sizga noma’lum, qiz sizga yoqadimi yoki qizga siz yoqasizmi? Bularni o‘ylab hayajoningiz ming karra oshadi. Quyida berilgan maslahatlar, birinchi uchrashuvning omadli kechishini ta’minlashda ko‘maklashadi. Ularga rioya qilib, yoningizdagi qizni qalbini o‘g‘irlang. Unutmang, birinchi uchrashuvning omadli kechishi – ikkinchi uchrashuvga yo‘l ochadi, aks holda qizdan umidingizni uzavering!

Maslahatlar:

Esda qolarli joy tanlang.

Tanlagan joyingiz romantikaga boy bo‘lib, shinam va toza bo‘lsin. Birinchi uchrashuvning joyi juda katta ahamiyatga ega. Sababi bu joy ikkingizning ham hotirangizda bir umrga muhrlanib qoladi. To‘gri balki, restoranni tanlash sizga biroz qimmatga tushar, ammo yodingizda bo‘lsin, birinchi uchrashuv – katta ahamiyatga ega.

Kiyimingizga e’tiborli bo‘ling.

Ayollar tug‘ma ravishda modaning quli bo‘ladi. Albatta, kiyimingiz ularning e’tiboridan chetta qolmaydi. Shuning uchun shunday kiyiningki, ortiqcha izohga hojat qolmasin. Kiygan kiyimingiz o‘tiradigan restoraningizga va boradigan joyingizga mos bo‘lsin. Qizdan nima kiyishini aslo so‘ray ko‘rmang. Shunday kiyiningki, u ham odatiy bo‘lsin, ham jiddiy. Jentelmenlik qiling. Birinchi uchrashuvda qizingizga shunday xizmat ko‘rsatingki, u o‘zini malikalardek his qilsin. U uchun eshiklarni ochib bering, o‘tirish vaqtida stulini to‘g‘irlang.

O‘zingiz haqingizda emas, u haqida gaplashing.

Birinchi uchrashuvda o‘zingiz haqida ko‘p gapirmasdan, yoningizdagi qiz haqida ko‘proq suhbatlashing, uning so‘zlarini bajonidil tinglagingiz kelayotganini ko‘rsating. Ayollar, ularning so‘zlarini tinglaganlarni va ma’qullaganlarni xush ko‘rishadi. Shuning uchun suhbat davomida o‘zingizni aqlliligingizni ko‘rsatish uchun aslo bahslasha ko‘rmang, uning fikrlarini qo‘llab quvvatlang.

Atrofingizdagi odamlarga ham yaxshi muomalada bo‘ling.

Birov jig‘ingizga tegsa yana urushib o‘tirmang u bilan, kerak bo‘lsa uzr so‘rab o‘tib keting. Bunday oliyjanoblikni ayollar yuqori baholashadi.

Uyigacha kuzatib qo‘ying.

Bu albatta qizning sharoitiga qarab. Agar imkon bo‘lsa, uyiga yaqin manzilgacha kuzating va uyga borib albatta qo‘ng‘iroq qilib qo‘ying. Agar sizga qiz yoqmasa yoki boshqa biror yoqimsizlikni his qilsangiz, darrov munosabatni uzib qo‘ymang, 2-3 kun qo‘ng‘iroq qilib turib, so‘ngra uzoqlashsangiz bo‘ladi. Agar qiz yoqsa, unda ikkinchi uchrashuvga taklif qilsangiz bo‘ladi, bunda uning javobi muhim emas, muhimi qizning sizga yoqqanligini bildirish. Omad!